Panawagan sa mamamayan upang masiguro na walang makalulusot na mga kawatan, pakikipagtulungan ang k

RYAN B. SISON / BOSES

NAG-umpisa nang maghanda ang ilan sa pagsalubong ng Bagong Taon kung saan kani-kanya nang luwas ang ating mga kababayan pauwi sa kanilang mga mahal sa buhay.

Kaya ang mga kinauukulan, to­do-higpit na rin, partikular na sa Ni­noy Aquino International Airport upang maiwasan ang iba’t ibang klase ng krimen tulad ng pagnana­kaw, human trafficking at marami pang iba.

‘Yun nga lang, ayon sa ilang mam­babatas, tila sa NAIA lang umano nakapokus ang mga kinauukulan kaya nagpanukala sila na isagawa ang security measure hindi lang sa NAIA kundi sa lahat ng paliparan.

Alam nating walang pinipiling panahon, lugar at oras ang mga ka­watan kaya mainam na mapanati­ling maayos ang seguridad hindi lamang para sa mamamayan na gumagamit ng paliparan kundi gayundin, sa iba na gumagamit ng mga pampasaherong bus, RORO at marami pang iba.

Sa ngayon, mas okay na ang mag­hig­pit basta masigurong ligtas ang lahat kaysa walang ginawa pag­ka­ta­pos ay magsisisihan sa dakong huli.

Gayunman, ang panawagan na­tin sa lahat ng gagamit ng mga ter­mi­nal, makipagtulungan tayo sa mga awtoridad nang sa gayun ay mai­wasan ang gulo at krimen nga­yong Bagong Taon.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.