Ministro at utol nakuryente sa kapilya, dedbol

KAPWA patay ang 21-anyos na ministro ng Iglesia ni Cristo (INC) at kanyang nakababatang ka­patid ma­karaang makur­yente sa loob mismo ng ka­nilang pinag­sisilbihang ka­pilya sa Bgy. Minanga, Na­guilian, Isabela.

Naisugod pa sa ospital si Dennis Dagman at ang 18-anyos nitong kapatid na si Mark Rendy subalit, bina­wian din ng buhay ang mga ito.

Ayon sa inisyal na ulat, minamantina umano ng magkapatid ang isang elec­tric water pump nang aksi­denteng mahawakan ng mi­nistro ang katabing poste.

Sinubukan umanong ha­takin ni Mark ang kanyang kuya ngunit, pareho na silang nakuryente na dahilan ng ka­nilang pagkasawi.

Napag-alaman sa imbes­tigasyon na kapwa nagdikit ang kanilang paa sa bakal na poste na nakadugtong naman sa live electrical wire.