Lalaking problemado matapos ma-endo

Dear Roma,

Matagal ko nang gus­tong humingi ng advice sa inyo tungkol sa pinag­daraanan ko. Ako si Archie, 25 years old, katatapos lang ng kon­trata ko sa kumpanya na pinagtrabahuhan ko, kaya ngayon ay nagha­hanap ako ng bagong trabaho. Mayroon akong live-in-partner at may baby na kami na 1 year old pa lang. Sa totoo lang ay nahihiya ako sa mga magulang ko dahil sila ang pansamantalang sumasagot sa ilang mga pangangailangan ng anak ko. Ano ang dapat kong gawin? Sana, ma­tulungan ninyo ako. Ma­raming salamat! — Archie

Archie,

Napakabuti ng iyong mga magulang dahil hanggang ngayon ay ti­nutulungan ka pa rin nila kahit may sarili ka ng pamilya, ngunit, ang maipapayo namin sa iyo ay habang nagha­hanap ka ng trabaho, subukan mong magka­roon ng sideline sa mga kakilala o kaibigan mo nang sa ga­yun ay may­roon kang ki­tain kahit maliit na ha­laga. Puwe­de mo ring subukan na mag-apply sa iba pang kumpanya ha­bang nag­hi­hintay ka ng tawag mula sa mga kum­pan­yang na-apply-an mo na. Ha­ngad namin na makaha­nap ka na ng trabaho lalo na at mag­papalit na ang taon. Kaya mo ‘yan, bro, isipin mo na lang na para sa pa­milya mo ang iyong gina­gawa. Good luck at God bless!