Bata dedbol sa trak
- Pabs Hernandez III
- Dec 30, 2018
- 1 min read
CAPIZ—Isang 8-taong gulang na batang lalaki ang namatay nang aksidenteng masagasaan ng trak, kamakalawa sa Bgy. Ato. Angel, Dumalag sa lalawigang ito.
Sa kahilingan ng pamilya ay hindi na pinangalanan ng mga awtoridad ang biktima na residente sa nasabing bayan.
Ayon sa ulat, sumabit ang bata sa minamanehong trak ni Eufrosino Moreno, pero nahulog ang biktima kaya nasagasaan ito ng naturang sasakyan.
Namatay sa mismong pinangyarihan ng aksidente ang biktima, samantalang, sinampahan na ng kasong reckless imprudence resulting in homicide si Moreno.
Comments