YEARENDER: RIP SPORTS 2018

SA pagsasara ng 2018, alalahanin natin ang mga personalidad sa larangan ng palakasan sa Pilipinas na sumakabilang-buhay ng taon na ito.

Tatlong naglaro sa Olym­pics ang nasa unahan ng listahan na sina Ian Lariba ng Table Tennis at mga basket­bolistang sina Jake Rojas at Danny Florencio.

Leukemia ang naging karamdaman ni Lariba na nagsilbi rin bilang tagadala ng bandila ng Pilipinas sa pag­bukas ng 2016 London Olym­pics.

Noong Setyem­bre nagta­pos ang laban niya sa sakit at nag-iwan ng alaala na wa­lang talo sa buong pag­laro niya sa UAAP para sa De La Salle University.

Samantala, noong naka­ra­ang Enero, nagsimula ang taon sa malungkot na balita na pumanaw na sa edad na 79 si Rojas sa Cebu City.

Hindi nagtagal, sumunod ang kanyang kakampi sa 1968 Mexico Olympics na si Florencio noong Pebrero sa California, Estados Uni­dos sa edad na 70.

Maliban kay Rojas at Flo­rencio na parehong naka­pag­laro din sa PBA, apat pang mga beteranong gu­war­diya ng PBA ang nauna na rin.

Tinawag na sa malaking korte sa langit sina Ulysses “Buboy” Tanigue noong Enero, Joey Mente noong Agosto, Alfredo Enriquez noong Nobyembre at Johnny Revilla sa kasalukuyang bu­wan lamang.

Nandiyan din ang mga kabataang atleta na maagang namatay sa gitna ng kanilang kalakasan tulad ni James Gon­zales na kapitan ng San Beda University Volleyball team, MMA fighter Igor Sebio Donga-el na nalunod sa dagat habang isinasalba ang tatlong tao, Arnis cham­pion Maria Julpha “Maya” Villa ng Rizal Technological University at mga Basket­ball varsity na sina Benzar Inigo ng Saint Dominic Col­lege of Asia at Rutger Acidre ng City University of Pa­say.

Hanggang ngayon, hindi pa tiyak kung sino ang bu­maril kay Acidre, 24, sa ka­nilang lugar sa Pasay noong Oktubre. At kahit hindi sila mga atleta, ginamit ng mama­ma­hayag na si Barry Pascua at announcer Rolly Manla­paz ang kanilang mga talento upang magdagdag kulay sa mundo ng palakasan.

Nagsulat ng “30” si Pas­cua noong Pebrero ha­bang nag-sign off si Manla­paz noong Setyembre.