Traslacion 2019 pinaghahandaan na

IKINASA na ng pa­mu­nuan ng National Capital Re­gion Police Office (NCRPO) ang pagpapatupad ng ma­higpit na seguridad sa na­lalapit ng pista ng Itim na Nazareno sa Enero 2019 sa Maynila.

Sa ginanap na security briefing na pinangunahan ni NCRPO Director General Guillermo Eleazar, kabilang sa agenda ang Traslacion ng Black Nazarene na idaraos sa Enero 9, 2019 sa Quiapo, Manila. Tinalakay sa secu­rity brie­fing at consultative con­ference ang ipatutupad na seguridad para masiguro na mananatiling payapa ang Traslacion 2019 na taun-taon ay dinarayo ng milyun-mil­yong deboto.

Inatasan ni General Elea­zar si Sr. Supt. Vicente Da­nao, Jr. na mag­tatalaga ng sapat na bilang ng mga pulis at ka­gamitan sa lahat ng lugar na daraanan ng Traslacion.