GMA, absuwelto sa graft, plunder at electoral sabotage | DELETE ALL

IBINASURA ni Pasay City Regional Trial Court (RTC) Branch 112 Judge Jesus Mupas ang kasong electoral sa­botage na isi­nampa laban sa dating pa­ngulo at ngayon ay House Speaker Gloria Macapa­gal-Arroyo.

Itinuro ang dating pre­sidente na umano’y respon­sable sa pandaraya sa halalan dahil umano sa bilin nito na 12-0 votes para sa kanilang mga kaalyado sa adminis­tration coalition.

Sa inilabas na desisyon ng korte nitong Disyembre 17, ibinasura nito ang na­turang kaso laban kay Ar­royo na isinampa ng go­vernment lawyers ng naka­raang administrasyon.

Pinaboran ng korte ang kampo ni Arroyo dahil wa­lang sapat na ebidensiya ang akusasyon dito at hindi aniya napatunayan ng prosekus­yon ang inaakusa ditong elec­toral sabotage.

Bukod kay Arroyo, ka­sama si dating Maguinda­nao Election Officer Lintang Bedol ay sinampahan ng kasong electoral sabotage sa naturang korte kaugnay sa umano’y dayaan noong 2007 midterm elections.

Sa parehong korte, ibi­nasura rin nito ang kapare­hong kaso na isinampa laban kay dating Commission on Elections Chairman Benja­min Abalos, Sr. at kay dating Maguindanao Governor Andal Ampatuan, Sr., na na­matay na dahil sa sakit.

Pitong taon ang inabot ng pagdinig sa naturang kaso na isinampa noong Nobyem­bre 2011.

Samantala, ayon sa abogado ng Pamilya Arroyo na si Atty. Ferdinand Topacio, lubos umano ang kasiyahan ng dating pangulo kahit ito ay nasa ibang bansa dahil ang ibina­surang electoral sabotage case na ang huling complaint na naihain laban sa kanya.

Nauna nang inabsuwelto si Arroyo sa mga kasong may kaugnayan sa katiwalian at pandarambong.