3 huli sa aktong nagdodoroga

KALABOSO ang tat­long lalaki kabilang ang da­lawang menor-de-edad ma­tapos maaktuhang nagma-marijuana sa Valenzuela City, kamakalawa ng hapon.

Kinilala ni Valenzuela Police Chief Sr. Supt. David Nico­las Poklay ang mga na­aresto na sina John Rey Mier, 19, ng Dalandanan at ang dalawang binatilyo na edad 16.

Sa imbestigasyon ni PO3 Ana Liza Antonio, alas-3:20 ng hapon, nagsasagawa ng kanilang rout patrol ang mga baran­gay tanod na sina Edwin Cayabyab at Albert Torres sa Bgy. Bignay nang maaktuhan ng mga ito ang mga suspek na gumagamit ng marijuana na naging da­hilan upang arestuhin ang mga ito.

Narekober sa mga sus­pek ang ilang drug parapher­nalias kung saan nakatak­dang sampahan ang mga ito ng kasong paglabag sa RA 9165 sa piskalya ng Valen­zuela City.