Misis dudang may kabit, ginantihan | 4 YRS. OLD IBINITIN PATIWARIK, PUNCHING BAG NI TATAY

KALABOSO ang isang ama maka­raang mag-vi­ral ang video sa ginawa nitong pagbitin patiwarik sa kan­yang sa­riling anak na lalaki sa Sta. Rosa, La­guna.

Ayon kay Supt. Eugene Orate, dinakip nila ang la­laki na itinago sa pangalang Jes­sie, alas-11:30 ng umaga ng Huwebes.

Nakatakdang sumaila­lim sa drug test ang suspek na na­haharap sa kasong pag­labag sa Child Abuse Law.

Batay sa imbestigasyon, Disyembre 18 nang mang­yari ang insidente kung saan ibinitin ng suspek ang 4-taong gulang na anak nang patiwarik saka kinuhanan ng video ang pananakit dito.

Ipinadala umano ng sus­pek ang video sa social me­dia account ng kanyang misis noong Disyembre 25 para mapuwersa siyang umuwi.

“Magbabakasyon daw po sa probinsiya, eh, Bagong Taon ang balik. ‘Di na raw po babalik dahil nalaman ko hanggang ngayon may lalaki pa pala,” ayon sa suspek.

Isang netizen ang nag-post sa Facebook ng nasa­bing video na nakakuha ng mahigit 1.8 milyong views at 200,000 shares.

Mapapanood sa video ang pagtatanong ng suspek sa kanyang nakatiwarik na anak kung masaya siya sa ginawang pag-alis ng ina. Nakita rin ang panu­nuntok ng suspek sa mukha at iba pang bahagi ng kata­wan ng bata.

Ayon kay Senior Supt. Eleazar Matta, nakatakda nang kunin ng Department of Social Wel­fare and Development ang kustodiya sa bata na nag­tamo ng mga pasa matapos ang insidente.