Digong sa mag-amang mayor at cong. na nanggulpi ng pulis | TULUYAN N‘YO!

PINAKAKASUHAN ni Pangulong Rodrigo Du­terte kay Interior and Local Government Secretary Edu­ardo Año ng direct assault ang mag-amang pulitiko sa Iloilo City na nambugbog umano ng isang pulis.

Sinabi ng pangulo ang kanyang direktiba nang bi­sitahin nito ang burol ni Ako Bicol Partylist Representa­tive Rodel Batocabe sa Da­raga, Albay.

“Well, kung may kasa­lanan man ang police, it’s not a reason especially a police officer na bugbugin mo. So, I will look in… I just read it from the newspaper. So, they will have to file the case. Direct assault,” pa­hayag ni P-Duterte sa pana­yam ng mga mamamahayag.

“So, again, you could file charges. I will ask General Año to take a look bakit nag­kaganu’n, investigate. But I will… I’m not urging him. I’m ordering him to file a case against the two. Iyong mag-ama ba ‘yun? Mag-ama? Maski sino,” ani P-Du­­terte.

Matatandaang, na­sang­kot ang mister ni dating De­partment of Health (DOH) Sec. Janette Garin na si Iloilo 1st District Rep. Richard Garin at maging ang ama nito na si Guimbal Iloilo Ma­yor Oscar Garin na kasama umano sa tumulong upang bugbugin si PO3 Federico Macaya.