Bagyong Usman, hataw

PUMASOK na sa Phiippine Area of Responsibility ang bagyo na pinangalanang ‘Usman’.

Huling namataan ng PAGASA ang nasabing tropical depression sa layong 955 kilometro silangan ng Hinatuan, Surigao del Sur.

Taglay ng bagyo ang lakas ng hangin na hanggang 45 kilometro kada oras malapit sa gitna at pagbugsong hanggang 60 kilometro kada oras.

Kumikilos si ‘Usman’ pa-hilagang kanluran sa bilis na 20 kilometro kada oras.

Batay sa paunang impormasyon ng Metro Weather, unang maaapektuhan ang Samar at Bicol Region.

May inaasahan ding epekto sa CARAGA at Central Visayas ang nasabing bagyo.

Ang Visayas, iba pang bahagi ng Bicol, CALABARZON, MIMAROPA at Metro Manila ay magiging maulan sa Biyernes habang sa Sabado naman makararanas ng pag-ulan sa Luzon.

Ayon pa sa PAGASA, makaaapekto sa dulong Hilagang Luzon ang northeast monsoon o Amihan.