Sakto ngayong Pasko...PAG-INOM NG INUMIN NA MAY MINT, KERING MAKATANGGAL NG SAKIT NG TIYAN!
- BULGAR
- Dec 24, 2018
- 2 min read
NAKU, tiyak na marami na naman ang maiimpatso ngayong Pasko dahil sa iba’t ibang pagkaing nakahain sa lamesa ninyo. Subalit, bukod sa pag-inom ng gamot, knows ba ninyong ang inumin na may mint ay kering makatanggal ng sakit ng inyong tiyan? Weh, ‘di nga?
Minsan, kahit ayaw na nating kumain dahil sa kabusugan, hindi pa rin natin ito mapigilan lalo na at seasonal lang naman kung makakain tayo ng mga masasarap na pagkain.
Kaya lang dahil sa pagpupumilit natin, eh, tiyan naman natin ang nagsa-suffer. ‘Yun lang!
Pero, bukod sa pag-inom ng mga gamot na nakatatanggal ng sakit ng tiyan tulad ng buscopan at iba pang antibiotics, ang pag-inom ng inumin na may mint ay nakagagaling din umano ng sakit ng tiyan.
Ayon sa mga eksperto, ang mint ay unang ipinakalat sa North America, Southern Africa at Australia.
Ito ay maraming species at halimbawa sa mga ito ay peppermint at spearmint na kadalasang inilalagay sa candy o bubble gum.
Gayundin, maaari itong gawing sangkap sa mga essential oil na ginagamit na panghilot ng katawan tuwing tayo ay may iniindang sakit ng mga kasukasuan.
Samantala, kapag ang mint ay inihalo sa inumin, ito ay nakai-improve ng irritable bowel syndrome at nakatutulong upang ma-relieve ang ating indigestion.
Para naman sa mga nahihirapan sa academics diyan, ang mint ay nakai-improve din umano ng brain function, kaya alam n’yo na, ha? He-he-he!
Kung madalas naman kayong sinisipon at hindi na ito tinatablan ng mga gamot, uminom din kayo ng inumin na may mint, mga lodi!
Puwede itong ilagay sa tsaa, kape o kahit sa maligamgam na tubig nang sa gayun ay mawala na ang barado ninyong ilong.
Kaya ngayong Pasko, hindi n’yo na kailangang mag-worry, kainin na ninyo ang gusto n’yong kainin dahil minsan lang ‘yan sa isang taon.
Basta make sure lang na nakahanda na ang inumin ninyong may mint, pero gayunman, kahit papaano, eh, hinay-hinay pa rin, mga lodi!
Copy?
Comments