Motor vs. kotse, rider dedbol

NASAWI ang isang motorcycle rider nang ma­salpok ng kotse sa Muntin­lupa City.

Matinding pinsala sa ulo at iba’t ibang bahagi ng ka­tawan ang ikinasawi ng biktimang si Neil Gregorio, 26, may asawa, residente ng Bagumbayan, Bicutan, Ta­guig City.

Nahuli naman ang driver ng Toyota Altis na si An­thony Pomer, 39, may asawa, ng Malibay, Pasay City.

Base sa ulat ng Southern Police District, naganap ang insidente sa National Road, Bgy. Putatan sa Muntinlupa City, alas-2:35 ng madaling-araw.

Habang minamaneho ni Gregorio ang kanyang motor nang biglang makasalpukan ang nasabing kotse na mina­maneho ni Pomer habang paliko umano sa U-turn slot patungong timog.

Dahil sa lakas ng pagka­kasalpok, nasira ang hara­pang bahagi ng motorsiklo at kotse, samantalang, tu­milapon pa ng ilang metro si Gregorio kung saan masa­ma ang pagkabagsak sa semen­tadong kalsada na sanhi ng agaran nitong pagkamatay.

Nahaharap sa kasong reckless imprudence resul­ting in homicide and damage to property ang driver ng kotse.