LIM, GO AT JIMENEZ, CHAMP SA PHILTA AGE GROUP 1

TINALO ni Karl Roque Lim si Jaydel Reece Ballado, 2-4, 4-0, 4-2, at inangkin ang titulo sa 10-under boys habang sinungkit ni Lucas Sebastian Go ang korona sa 8-under unisex 4-1-4-0; habang ibinulsa ni Michael Dylan Jimenez ang karangalan sa 12-under boys na pinayuko si Joshua Diva, 6-1,6-1 sa PSC Philta Group 1 Age Group Tennis.

Dinomina ni Lim, tubong Pangasinan ang kalaban habang si Go ay kinontrol ang laro kontra sa Caviteno na taga- Bacoor na si Cangue. “Pinaghandaan ko ito dahil gusto kong manalo. Masaya ako hindi ako nabigo,” sabi ni Go, Grade 3 pupil sa Xavier School sa San Juan.

Kasalukuyang nilalaro ang iba pang age group competition kasama ang 18-under boys and girl; 14-under boys’ and girls’ and 12-under boys and girls.

Sa pagtatapos kahapon ay ipinagdiwang kasabay ang 82nd birthday ni dating tennis president Salvador Andrada na todo suporta pa rin sa tennis at naniniwala na magiging matagumpay ang sports malapit sa kanyang puso sa pamumuno ni Atty. Tony Cabletas.

“Though I’m no longer Philta president, I’m still around because I dearly loved the sport. I firmly believes tennis will go a long way and ultimately achieve its ultimate goal with Cabletas at the helm,” sabi ni Andrada, dating PSC Commissioner.

Napilitang ilipat ang mga laro mula sa Rizal Memo­rial tennis courts sa Philippine Columbian Association covered tennis courts dahil sa walang tigil na ulan.

Mahigit 100 ang lumahok sa 18 age division annual tennis tournament sinuportahan ng PSC bilang grass­roots programs para makatuklas mga batang may angking galing sa tennis.