Habang abala sa lamay ng kapwa congressman | BAHAY NI AKO BICOL REP. GARBIN, NILOOBAN

PINASOK ng ilang la­laki ang bahay ni Ako Bicol Partylist Representative (2nd nominee) Alfredo Gar­bin sa Legaspi City, kaha­pon ng umaga.

Batay sa impormasyon mula sa Police Regional Of­fice 5, nilooban ng hindi pa tukoy na mga suspek ang bahay ni Garbin sa Ridge View Subdivision, Bgy. Bu­ragwis.

Lumalabas sa ulat na nangyari ang panloloob ha­bang abala si Garbin sa pag-asikaso sa burol ng napas­lang na kasamahan na si Representative Rodel Bato­cabe.

Nakapasok ang tinata­yang tatlong suspek sa bahay ni Garbin sa pamamagitan ng pagdaan sa bintana sa comfort room, sa ikalawang palapag.

Kabilang sa mga nata­ngay ng magnanakaw ay ang personal bag ni Garbin na may lamang pera at cheque na aabot sa kala­hating mil­yong piso.

Bukod dito, nakuha rin ang isang relos at iba pang mahahalagang gamit.

Pahayag ng pulisya ka­ugnay sa insidente ay isola­ted lamang umano ang pag­nanakaw at hindi ito nau­ugnay sa pananambang kay Batocabe.