937 indigenous people na nanlilimos, nasagip

UMABOT sa 937 indi­genous people na dumayo sa Metro Manila upang ma­malimos ngayong Holiday Season ang na-rescue ng mga awtoridad, batay sa datos na ibinahagi ni National Capital Region Police Office Chief Police Director Guillermo Eleazar.

Naitala ang bilang mula noong December 11 hang­gang 23. Sa NCRPO Recapitu­lation, kabuuang 124 ang isinagawang operasyon ng mga awtoridad sa nabanggit na period. Kabilang sa mga nasa­gip ay mga Aeta at Badjao, maging ilang batang hamog. Pinakamaraming na-rescue ang Manila Police Dis­trict at sinundan ng Quezon City Police District.

Ayon kay Eleazar, ang pagsagip sa mga IP ay alin­sunod sa Presidential Decree No. 1563 o Mendicancy Law of 1978.

Ang mga na-rescue ay binigyan ng warning o nai-turnover na sa DSWD.