Taas-singil sa illegal parking | BUSINESS ESTABLISHMENTS, EXEMPTED — MMDA

INIHAYAG ng Metro­politan Manila Develop­ment Authority (MMDA) na exempted ang mga bu­siness establishment sa fine increase para sa illegal par­king.

Ayon kay MMDA Ge­ne­ral Manager Jojo Garcia, ang mga lungsod na may or­dinansa para payagan ang “one-way parking”, parti­kular ang mga business es­tablishment na walang pa­radahan ay exempted o hin­di kasali sa pagtataas ng multa para sa paglabag sa illegal parking na ipatutupad sa Enero 7, 2019.

Ani Garcia, exempted ang mga ito sa fine increase dahil nais nilang huwag ma­apektuhan ang negosyo ng mga ito at gayundin ang income ng city government na ang serbisyo ay para sa kapakanan ng mga residente.

“You need to balance the business side. May mga business establishment kasi na walang parking sa ha­rap. ‘Pag ‘yan pinagbawal lahat, maging strict ka, ma­matay ang negosyo; ‘pag na­matay ang negosyo, ma­apektuhan ang LGUs at mga access. Public service nila, maapektuhan din. So, you need to balance,” ayon kay Garcia.

Ang mga business estab­lishment na exempted sa bagong polisiya ng MMDA ay dapat aniyang ikonsulta nito sa LGU na nakasasakop dito upang malaman kung aling establisimyento ang pinapayagang magparada sa kalsada bilang kanilang par­king area.

Nilinaw din ni Garcia, na ang sakop lamang aniya sa exemption ay ‘yung city or­di­nance at hindi ang baran­gay ordinance.

“Hindi naman puwe­deng lahat ng kalsada lag­yan ng ordinance. May ra­son ‘yan, eh, kung mga bu­siness establishment ‘yan ka­ilangang pagbigyan ‘yan,” paliwanag pa ni Garcia.

Mariin nilang sinusu­por­tahan ang panukala ng ilang mambabatas na isinu­sulong ang “no car, no garage po­licy” dahil malaki aniya ang maitutulong nito sa traffic reduction sa Metro Manila.