Parak patay sa mga troso

BOHOL—Isang nakamotorsiklong pulis ang namatay nang aksidenteng mabagsakan ng mga trosong nahulog sa trak, kamakalawa sa Bgy. Mataub, Clarin sa lalawigang ito.

Nakilala ang biktima na si P02 Hermes Sanchez, nakatalaga sa Buenavista Police Station.

Ayon sa ulat, habang lulan ng motorsiklo si Sanchez ay bigla itong nabagsakan ng mga trosong nahulog sa nakasalubong nitong trak na minamaneho ni Jerry Sunpongco, residente ng bayan ng Jana sa naturang lalawigan.

Dinala pa ng mga saksi si Sanchez sa ospital, pero idineklara itong dead-on-arrival, samantalang, sinampahan na ng kasong reckless imprudence resulting in homicide si Sunpongco.