Palasyo sa nangyaring pambu-bully sa Ateneo “BAKA MAY NAG-TRIGGER”

IGINIIT ng Malaca­ñang na kailangang mag­karoon ng masusing im­bestigasyon kaugnay sa viral video ng estudyante na nanakit ng kapwa es­tudyante sa Ate­neo de Manila Univer­sity.

Ayon kay Presidential Spokesman Salvador Pa­nelo, ito ay dahil isang side lamang ang nakita ng publiko kung saan binu-bully ng maliit na estud­yante ang mas mala­king kapwa estudyante.

“I watched that. I was bothered by what I saw. I think, they should inves­tigate why there was such a one-sided fight given the fact that the one who mauled was much smaller,” sabi ni Panelo sa press briefing sa Pa­lasyo.

“Sabi ko nga, baka may nag-trigger, kasi parang si­na­sabi nila na the bata should undergo psychiatric exam. Dapat talaga imbes­tigahan. The school should inves­tigate and do something about it,” ani Panelo.

Diin ni Panelo, dapat ku­milos ang naturang eskuwe­lahan dahil may batas na nagbabawal sa pambu-bully.

Una nang nanawa­gan ang pamunuan ng eskuwela­han na itigil na ang pagpa­pakalat ng na­sabing video lalo na at parehong menor-de-edad ang sangkot na mag-aaral.