7,8000 pulis todo-bantay ngayong kapaskuhan

NASA “heightened alert status” ang National Capital Regional Police Office (NCRPO) sa buong Metro Manila ngayong bakasyon para sa pagdiriwang ng Christmas Season.

Itinalaga sa Metro Manila ang nasa 7,800 na bilang ng kapulisan upang tiyakin ang kaligtasan ng mga mamamayan at bantay-sarado ng buong puwersa ng NCRPO.

Kabilang din sa babatanyan ng NCRPO ang mga bibiyahe patungong probinsiya, mga magsa-shopping at maging ang mga maiiwan sa kanilang mga bahay ngayong bakasyon.

Ayon kay NCRPO Director General Guillermo Eleazar, ang 7,800 kapulisan ay nakatalaga ngayon sa mga transportation hub, vital installation at shopping center.

Patuloy ang koordinasyon ng pulisya sa mga force multiplier tulad ng mga security guard sa mga subdivision, mga barangay tanod at volunteers para masiguro ang seguridad at maging mapayapa ang pagdiriwang ng kapaskuhan.