Malinaw ayon sa palad... BEBOT NA NAKATAKDANG PAKASALAN NG KA-LIVE-IN SA SUSUNOD NA TAONG 2019

Maestro Honorio Ong

KATANUNGAN

1. May live-in part­ner ako ngayon, pero may anak kaming ba­bae na two years old. Nasabi ko na minsan sa ka-live-in ko na mag­pakasal na kami upang maiayos na ang birth certificate ng anak na­min, pero hindi siya kumibo. Sabagay, sad­yang hindi palakibo ang partner ko.

2. Naisipan kong sumangguni sa inyo upang itanong kung pakakasalan pa kaya ako ng ka-live-in-part­ner ko o habambuhay na lang kaming ganito, madagdagan nang ma­dagdagan ang mga anak namin kahit hin­di kami kasal?

KASAGUTAN

1. Pakakasalan ka ng ka-live-in mo, basta pili­tin mo lang siya. Ito ang nais sabihin ng mahaba, makapal at kaisa-isang Marriage Line (Drawing A. at B. 1-M arrow a.) sa kaliwa at kanan mong palad. Tanda na maa­aring ang unang pag-ibig o seryoso at pang­matagalang relasyon ang siya mo na ring ma­katutuluyan at maka­kasama, habambuhay na kinumpirma ng zo­diac sign mong Sagitta­rius at Leo naman ang ka-live-in mo.

2. Tanda na ayon sa Western Astrology at ki­numpirma rin ng pang-estadisti­kang datos, ang Leo at Sagittarius ay palaging nag­kakatuluyan at may pangako rin ng isang maunlad, ma­ligaya at pangha­bam­­buhay na sama­han.

3. Ang pag-aanali­sang magiging maligaya ang inyong pagsasama kasal man kayo o hindi ay madali ring kinum­pirma at pinagtibay pang lalo ng maayos, walang bilog at hindi rin nalatid na Heart Line (Drawing A. at B. h-h ar­row b.) na nakatutu­wang mapansing naka­tuntong pa sa Mount of Jupiter na tinatawag din nating Bundok ng Kali­gayahan (arrow c.) sa kaliwa at kanan mong palad.

Ibig sabihin, ang na­sabing pagsasama sa kasalukuyan, kasal man o hindi ay naka­takda nang mamunga ng isang maligaya at pangha­bam­buhay na pagpa­pamilya.

DAPAT GAWIN

Habang, ayon sa iyong mga datos, Mayie, tulad ng nasabi na, kung pipilitin mo ang lalaking ka-live-in mo na mag­pakasal na kayo, sa da­kong huli ang pasya at ang kakulitan mo ang mananaig kung saan sa susunod na taong 2019, sa buwan ng Set­yembre hanggang Dis­yembre sa edad mong 32 pataas, magaganap ang simple, pero masa­yang kasalan na siya na ring magiging simula ng isang mali­gaya at pang­habambu­hay na pagpa­pamilya.