Blind Item

BLIND ITEM:

KUNG may mga showbiz celebrities na nama­mar­kahang kuripot at inuyat at tikom ang palad sa charity, wala na sigurong aagaw pa sa trono at korona ng tisoy at guwapong aktor.

Mula’t sapul ay hindi na likas sa aktor ang pagbi­bigay ng regalo sa sinuman ka­pag sumasapit ang Pasko. Maski ang mga kasambahay at production crew sa TV o pelikula ay hindi na umaasa pa na magse-share ng blessings ang sikat pa ring aktor.

Kahit pa nga mumurahing towel o t-shirt ay hirap siyang ma­kapagregalo ‘pag Pasko, ga­nu’ng milyones ang kinikita niya sa peli­kula at product endorsements. Isang malaking himala na kung ka­hit merienda ay makapanlibre siya.

At para makaiwas nga sa mga taong dapat niyang regaluhan ‘pag Pasko, taun-taon, kapag sumasapit na ang buwan ng Disyembre ay nag-a-abroad siya at babalik lang ng ‘Pinas kapag tapos na ang holiday season.

At napaka-wise pa sa buhay ng tisoy at guwapong aktor. Nasa holiday vacation na siya abroad, eh, tumatanggap pa ng mga shows at events para kumita nang malaki. Walang sinasayang na panahon si aktor.