Van nahulog sa bangin, 2 patay

DALAWA ang iniulat na nasawi habang sampu ang sugatan matapos mahulog ang sinasakyang van kung saan kargado ng mga sound system sa isang bangin sa National Road, Bgy. Natipuan, Nasugbu, Batangas.

Ayon sa imbestigasyon, alas-5:53 ng umaga, binabagtas ng Isuzu van na minamaneho ni Rodrigo Gonzales, 58, may asawa, ng Molino, GMA, Cavite, nang mawalan ito ng kontrol.

Nagtuluy-tuloy itong nahulog sa bangin na ilang talampakan ang lalim at naipit ang mga sakay. Patay agad ang dalawang biktima na sina Esteven Mendoza at Earl Bonan.

Na-rescue naman ng iba’t ibang ahensiya ang sampu pang biktima na naipit sa van.