Sey ng experts...MGA TAONG SINUNGALING, MAS GUMAGANDA ANG BUHAY!
LAHAT tayo ay nakagagawa ng pagkakamali sa buhay dahil walang perpekto sa mundo. ‘Yung iba, nagiging maramot, matapobre at mayroon ding sinungaling. But wait, there’s more! Alam ba ninyo na ang pagsisinungaling ay may mabuting epekto rin sa atin? Hala!
Mula noong bata pa tayo hanggang sa lumaki, alam na ng lahat na masama ang pagsisinungaling, pero bilang tao hindi natin ‘yun maiiwasan lalo na kung kailangan at maaaring mas makatulong ito sa bagay na sinosolusyunan pa lang natin. Ang pagsisinungaling ay maaaring magdulot ng gulo, sakit, galit at marami pang iba.
Gayunman, ayon sa mga dalubhasa, bagama’t, masama ito sa paningin ng nakararami, may maganda pa rin itong maidudulot sa buhay ng tao.
In fact, ang pagsisinungaling ay nakai-improve ng productivity lalo na kung may deadline tayo sa eskuwela o opisina na sinabi nating tapos na, pero ginagawa pa lang natin.
Sa ganitong paraan, mas lalo tayong ginaganahang tapusin ang gawain.
Gayundin, ito ay nakabu-boost ng mood at mas nakagaganda ng relasyon. Marahil ay nagtataka kayo, pero ‘yun ang totoo. Minsan, may mga bagay na nakapagsisinungaling tayo sa ating mga mahal sa buhay nang sa gayun ay hindi sila mangamba o masaktan lalo na kung usaping pera.
Samantala, nakatutulong din ang pagsisinungaling para mawala ang takot na ating nararamdaman kung saan sa sarili natin tayo nagsisinungaling para magawa natin ang mga bagay na walang kasiguraduhan, pero kunwari ay okay lang.
Maliban pa rito, sa mga taong kulang sa tiwala sa sarili riyan, knows ba ninyong ang pagsisinungaling ay nakabu-boost ng self-esteem, ito ay dahil kapag ginagawa mo ito, mas nagiging confident ka dahil nakasasabay ka sa iba at hindi nila alam kung ano ang totoo mong pagkatao.
Oh, ayan, hindi natin hinihikayat na magsinungaling palagi, ha? Pero, sa buhay, alam natin na kailangan din ng mga ganitong paraan upang mas mabilis nating masolusyunan ang mga bagay-bagay.
Gets mo?
Comments