May-ari ng unibersidad na gustong magbukas ng kurso ng pag-aaral sa batas

DR. PERSIDA V. RUEDA-ACOSTA / MAGTANONG KAY ATTORNEY

Dear Chief Acosta,

Ang aming pamilya ay ang may-ari ng unibersidad. Maaari ba kaming magbukas ng kurso sa pag-aaral ng batas? — Danny

Dear Danny,

Para sa inyong kaalaman, sang-ayon sa Section 8 ng Republic Act (R.A.) No. 7662 o mas kilala bilang “Legal Education Reform Act of 1993”:

“Section 8. Accreditation of Law Schools. - Educational institutions may not operate a law school unless accredited by the Board. Accreditation of law schools may be granted only to educational institutions recognized by the Government.”

Malinaw sa nasabing batas na upang maka­pag­bukas ng kurso sa pag-aaral ng batas, kinaka­ilangang kilalanin muna ang mga institusyong pang-edukasyon tulad ng inyong unibersidad ng Legal Education Board at mabigyan ng akreditasyon na ang nasabing mga institusyon ay maaaring maging law schools

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa inyong patuloy na pagtitiwala.