Hirit kay P-Duterte | MAGTALAGA NG MUSLIM SA KORTE SUPREMA

INIHAYAG ni Marawi Civic Leader at Peace-buil­der Samira Gutoc na pana­hon na para magtalaga si Pangulong Rodrigo Duterte ng ika­la­wang Mahistradong Muslim sa Korte Suprema.

“Panahon na upang mabigyan ng boses at re­presentasyon ang mga tubong Mindanao lalo na ang mga Muslim sa Kataas-taasang Hukuman ng ating bansa,” ani Gutoc.

“Napakahalaga na ang susunod na maitatalagang Mahistrado sa Korte Sup­rema ay mulat din sa mga isyung dinaranas ng mga Pilipinong Muslim at may dunong na nahasa sa de­kadang pakikipagtuos ng rehiyon sa mga sakuna at problema sa kapayapaan,” dagdag pa nito.

Sa kasaysayan ng Ka­taas-taasang Hukuman sa bansa, tanging si Abdulwa­hid Bidin ang nag-iisang Muslim na nakaupo sa natu­rang posisyon matapos si­yang italaga ni dating Pa­ngulong Corazon Aquino bilang Associate Justice noong 1987.

Umaasa naman si Gu­toc na si Marawi City-born Court of Appeals (CA) As­sociate Justice Japar Dima­ampao na ang susunod na magiging miyembro ng Korte Suprema kapalit ni Associate Justice Noel Ti­jam na magreretiro sa su­sunod na taon.