X’mas party sa iskul | 133 NADALE SA SPAGHETTI

NASA 133 estudyante ang isinugod sa Lianga Dis­trict Hospital sa Lianga, Surigao del Sur makaraang makaranas ng ilang sintomas ng food poisoning.

Batay sa imbestigasyon, ilan sa kanila ay nakaranas ng pananakit ng tiyan at pag­susuka matapos kumain ng spaghetti at manok sa Christ­­mas Party ng esku­welahan.

Ayon sa pulisya, alas-8:00 ng umaga ang Christ­mas Party ng mga bata at ma­kalipas ang dalawang oras, nagsipuntahan na sa ospital ang mga estudyante na may edad 5 hanggang 10.

Samantala, wala pang detalye kung ang spaghetti ang dahilan ng pagkalason ng mga bata.

Nakalabas naman ng ospital ang 102 estudyante matapos bumuti ang pa­ki­ramdam habang nasa 31 pa ang naka-confine. (BRT)