Tiniyak ng Palasyo | ‘MARIJUANA MEDICAL LAW’, PIPIRMAHAN AGAD NI DIGONG

TINIYAK ng Palasyo na pi­­pirmahan agad ni Pa­ngu­long Rodrigo Duterte ang anumang panukalang-batas na mag­susulong na gawing legal ang paggamit ng mari­juana sa me­dikal na aspeto.

Ikinatwiran ni Presi­den­tial Spokesman Salvador Panelo na malinaw ang po­lisiya ng pangulo na pabor ito na gamitin ang marijuana para sa pagpapagamot ng sakit at hindi para sa rec­reation o bisyo.

Kailangan umanong suportahan ng pangulo ang mga panukalang-batas na sang-ayon sa kanyang mga paniniwala.

“Since the president al­ready made a statement that he’s in favor of limited use of marijuana, logically then he will support and sign any bill that would be con­sistent with his stand”, pa­liwanag ng ka­lihim.

Matatandaang, maging si 2018 Miss Universe Catri­ona Gray ay pabor na gawing legal ang paggamit ng ma­rijuana bilang alternatibong gamot para sa mga may sa­kit.