Sasalubong sa 2019 | WALA NANG NFA RICE

POSIBLENG mawala na ang Na­tional Food Au­thority (NFA) rice sa mer­ka­do sa susunod na taon kung maisabatas na ang Rice Tarri­fication Bill, ayon sa Depart­ment of Agriculture (DA).

Paliwanag ni Secretary Manny Piñol, inaalis ng pa­nukala ang ilang kapangya­rihan ng NFA, kabilang ang pagbebenta ng murang bigas.

Kung itutuloy man ang pag­benta ng nasabing bigas, maaari umanong umabot sa P35 hanggang P36 ang ben­tahan nito para makabawi sa gastos sa pagbili ng mga lokal na palay.

“It will depend on the Rice Tarrification Bill due for sig­na­ture of President Duterte if NFA will still sell rice in the market, but de­finitely we cannot sell at P27 o P32 anymore,” dag­dag pa ng kalihim.

Sakaling lagdaan ni Pa­ngulong Rodrigo Duterte, hindi na aniya magbebenta ng NFA rice sa unang quarter ng 2019 kapag ubos na ang kasalukuyang stock at ang 500,000 metric tons na im­ported rice na darating sa bansa sa Enero.

Bawal sa Rice Tarrifi­ca­tion Bill ang pag-angkat ng NFA ng suplay ng bigas.

Kung tuloy man, galing dapat ito sa palay na bibilhin sa mga lokal na magsasaka.

“The recommendation of the technical working group of the NFA is that if we buy locally, we have to sell the rice at about P36 per kilo so that we will not lose mo­ney,” ani Piñol.

Dahil dito, ang maga­gawa lamang umano nila ay ang magpatupad ng sugges­ted retail price sa commer­cial na bigas at mag-ipon ng buf­fer stock ng bigas tu­wing may kalamidad.

Pasado na sa bicameral committee ng Kongreso ang na­sabing panukala at hini­hintay na lamang ang pirma ni P-Du­terte para maisaba­tas na ito.

Dati na ring pinanga­ngam­bahan ng ilang grupo ang dagdag-presyo sa ilang produkto dahil sa panu­kala.

Sa pagtaya ng NFA, nasa 10 milyong Pilipino ang uma­asa sa NFA rice para makakain. (BRT)