Digong sa Sayyaf: usap tayo

HINDI pa rin isina­san­tabi ni Pangulong Rodrigo Duterte na magkaroon ng ne­gosasyon sa pagitan ng gob­yerno at Abu Sayyaf Group upang matigil na ang kara­hasan sa Mindanao.

“Kung maghinto sila, I’m willing to go there, kung ano ‘yung lugar nila, mag-usap tayo,” pahayag ng pa­ngulo kasabay ng paniba­gong dibisyon ng mga sundalo ng 11th Infantry Division sa Jolo, Sulu.

Binigyang-diin ng com­mander-in-chief na nanghi­hinayang siya sa mga nasa­sayang na buhay ng kanyang sundalo dahil sa patuloy na pakikipagbakbakan sa bandidong grupo.

“I cannot allow my sol­diers na ako ang comman­der-in-chief na namamatay, ina-ambush, and this has been going on for the last so many years. Sayang talaga ang buhay, napakasayang ng bala na puwede ko naman ipagbili o ipangtayo ng ba­hay,” ani P-Duterte.

Ipinaliwanag pa ng pa­ngulo na kung hihinto sa opensiba ang Abu Sayyaf, handa itong pumasok sa lugar ng mga bandido para kausapin ang grupo.

Kumbinsido rin si P-Du­terte na kailangan lamang na magkaroon ng sapat na edu­kasyon ang mga miyembro ng bandidong grupo upang mapagtanto nito ang re­yalidad ng buhay na dapat nilang tinatamasa ngayon.

“What is really lacking, edukasyon ng mga Moro. For unless and until the Moro is educated in the pro­per way, to live in a world that we live, and to come to terms, kung ano ang reyali­dad dito sa buhay natin ngayon. Then maybe, may­be, with the mercy of Allah, ma­kukuha natin,” dagdag pa ng pa­ngulo.