ALVAREZ, NAGHARI MULI SA SUPERMIDDLEWEIGHT

BRUTAL na natilad ni Mexican superstar Saul “Canelo” Alvarez si Rock Fielding ng England sa bisa ng dominanteng bugbugan sa New York City kahapon upang maging three-weight world champion.

Hindi nahirapan si Alvarez, na siyang reigning World Boxing Council at World Boxing Association middleweight world champion kasunod ng nakatutulig na panalo kontra Gennady Golovkin noong Setyembre sa naturang weight class at nanaig kay Fielding, na sumagupa ng ikalawang ulit sa WBA’s super-middleweight title.

Pinabagsak agad ni Alvarez si Fielding sa canvas sa unang round sa bisa ng body shots at nanatiling kontrolado ang bakbakan. Pareho rin ng upak na ginawa niya sa 2nd round kaya bumagsak uli ang Englishman. Hindi na nagawang makasabay ni Fielding sa lakas ni Alvarez at nang bumagsak na siya ng dalawang beses sa third round, tuluyan nang pinahinto ni referee Ricky Gonzales ang upakan sa 22 segundong nalalabi sa naturang round. (MC/ATD)