16-anyos ni-rape ng tatay-tatayan

HINULI ng mga ope­ratiba ng Makati City Po­lice ang 50-anyos na lalaki ma­tapos umanong irek­lamo ng panghahalay sa 16-anyos na estudyante nitong Sabado ng hapon sa nasabing lung­sod.

Kinilala ni Makati City Police Chief Senior Supt. Rogelio Simon ang sus­pek na nahaharap sa ka­song panghahalay na si Nelson Tu­maliuan, ng Bgy. West Rembo.

Habang sinamahan ng kanyang tiyahin na dumulog sa pulisya ang biktima na itinago sa pa­ngalang ‘Jessa’, estud­yante.

Ayon sa inisyal na ulat ng Women’s and Chil­dren’s Protection Desk, nangyari ang umano’y panghahalay sa dalagita sa loob ng bahay ng sus­pek sa nabanggit na lugar alas-2:00 ng hapon.

Batay sa police blotter, isinalaysay ng biktima na noong Biyernes ng ha­pon nang niyaya siya ng sus­pek na kumain.

Tumanggi umano ang biktima at umuwi na ngu­nit, sinundan umano siya ng suspek at patuloy sa pagyaya.

At dahil kakilala at itinu­turing na niyang ta­tay-tata­yan, sumama siya sa bahay ni Tumaliuan.

Pagkatapos umano ni­lang kumain, nagpunta ang biktima sa banyo na sinasa­bing sinundan ng suspek saka isinara ang banyo at doon na umano ginawa ang kahalayan.

Nagawang magsum­bong ng biktima sa kan­yang tiya­hin na agad si­lang nagtungo sa tangga­pan ng Police Com­mu­nity Precinct-8 para ipa­huli ang suspek.

Nadatnan nina PO1s Dexter Langaman at Mark Anthony Legaspi ang sus­­­pek sa kanyang bahay at na­huli ito.