Trainee na pinag-iinitan sa trabaho

Dear Roma,

Ako si Andrea, 25 years old at kasalu­ku­yang nagte-training bi­lang manager ng resto­ran. Okay naman ang trabaho ko at ang mga boss ko, kaya lang may problema ako sa mga katrabaho ko. Ma­dalas kong napapansin na pinag-iinitan nila ako. Wala naman akong ma­tandaan na nagawang mali sa kanila dahil ma­dalas akong naka-focus sa trabaho. Kapag may maling nangyayari sa store, ako ang sinisisi nila kahit hindi na sakop ng job description ko ang area na ‘yun. Na­kikisama naman ako sa kanila, pero hindi ko ta­laga ma-gets kung bakit nila ginagawa ‘yun sa akin. Roma, ano ang dapat kong gawin? Ma­raming salamat! — An­drea

Andrea,

Hindi na bago ang mapag-initan sa kahit na anong industriya, ngunit, maipapayo namin sa’yo na ipagpatuloy mo pa ang pagpo-focus mo sa iyong trabaho nang sa ga­yun ay mawala sa isipan mo ang mga katra­baho mo na nanggugulo sa‘yo. Tandaan mo, ka­pag may humihila sa‘yo pababa, ibig sabihin, nasa itaas ka. Huwag mo nang bigyang-pansin ang mga taong walang naidudulot na maganda sa iyong buhay. Kaya muli, mag-focus ka sa iyong trabaho. Good luck sa‘yo!