Mas tanggap na leading man ng misis mo, Ryan… PIOLO-JUDAY SERYE, IPINU-PUSH NG FANS

Erlinda Rapadas / TEKA NGA

MAY kilig pa rin sa mga fans ang tambalang Judy Ann Santos at Piolo Pascual. Nagkita lang sila recently sa isang hotel ay tuwang-tuwa na at kinikilig ang kanilang mga fans and supporters. Humihiling na agad ng reunion movie ang mga dating nagmamahal kina Juday at Papa P..

Kung sina Richard Gomez at Sharon Cuneta ay natupad na ang reunion movie, posible rin na pagtambaling muli sina Judy Ann at Piolo. Kung hindi puwede sa pelikula, pupuwede naman kahit sa teleserye.

Hindi nawawalan ng pag-asa ang mga tagahanga nina Juday at Piolo at naghihintay pa rin sa muling pagtatambal ng kani­lang mga idolo. May chemistry pa rin sila sa isa’t isa at si Piolo ang mas tinang­gap ng publiko bilang leading man ni Judy Ann.

Ang nakakatuwa, kahit kasal na ngayon si Juday kay Ryan Agoncillo, nanatili silang good friends ni Piolo.