Away sa kuryente | BAYAW KINATAY

DAHIL sa hatian sa bayad sa nakonsumong kuryente, patay ang isang mister makaraang pagsasaksakin ng kanyang bayaw sa Sinait, Ilocos Sur.

Nakilala ang nasawi na si Ronald Bancheta habang ang suspek ay si Erwin Sanchez, kapwa nasa hustong edad.

Sinisingil umano ng biktima ang misis ng suspek sa hati sa kuryente subalit, wala pang maibayad na nauwi sa pagtatalo.

Naaktuhan umanong sinasaktan ng biktima ang misis ng suspek kaya kumuha ito ng patalim at pinagsasaksak ang bayaw.

Nabatid na nakikitira lamang ang mga ito sa bahay ng biktima kaya sinisingil sa bayad ng kuryente.