ABARRIENTOS AT TORRES NG FEU TINILAD ANG UP SA UAAP JUNIORS

NANGUNA sina RJ Abarrientos at Xyrus Torres para sa Far Eastern University-Diliman sa ka­nilang 102-72 panalo nila kontra University of the Phi­lippines Integrated School kamakalawa sa UAAP ‘81 Juniors Basket­ball Tourna­ment sa Blue Eagle gym. Umiskor ang senior for­ward na si Tor­res ng kan­yang career-high 27 pun­tos habang nagpa­kita ang graduating guard na si Abarrientos ng all around perfor­mance para sa Baby Ta­maraws.

Nag-init ang mga ka­may ni Torres at pumukol ng anim na triples habang nagposte naman si Abar­rientos ng 15 puntos, 6 as­sists, at 4 rebounds upang makabawi mula sa pito at labing-isang puntos na pro­duksiyon nila sa naka­raang pagkatalo ng FEU-Diliman sa De La Salle Zobel noong Linggo.

Bunga nito, umangat ang Baby Tams sa mar­kang 4-2, panalo-talo ha­bang nanatiling walang panalo ang Junior Maroons na pinamunuan ni Allen Torres na may 23 puntos at 9 na rebounds matapos ang 6 na laban.

Sa isa pang laban, iginupo ng University of Sto. Tomas ang DLSZ ,63-55. Parehas umiskor ng double-double sina Mark Nonoy(19 puntos, 12 re­bounds, 6 assists) at Bis­marck Lina (10-puntos, 12-boards) para pamu­nuan ang Tiger Cubs sa pag-angkin ng ikatlo nilang panalo sa loob ng anim na laro at pagtabla sa ka­nilang biktima sa patas na 3-3 marka. (VA)