Pumalag sa warrant, todas

UTAS sa pulis ang isang wanted matapos umanong manlaban sa Bgy. Pook, Balayan, Batangas.

Alas-2:50 ng madaling-araw nang salakayin ng mga awtoridad ang bahay ng akusadong si Reynaldo Cabungcal kung saan bitbit nila ang warrant of arrest sa kasong illegal possession of firearms and ammunition. Papalapit pa lamang ang mga ito sa lugar nang agad umanong nagpaputok ng baril ang suspek.

Nagkaroon ng palitan ng putok na tumagal ng ilang minuto hanggang sa tuluyang duguang bumulagta ang akusado.

Dali-dali pa siyang isinugod sa pagamutan ngunit, idineklara itong dead-on-arrival.

Inaalam pa kung may kaugnayan ang nasawing akusado sa mga kilabot na gun-for-hire sa lalawigan.