Misis na dehins na kaya ang kinahaharap na problema

Dear Roma,

Ayoko nang mabuhay, ‘yun ang palaging suma­sagi sa isip ko kapag na­aalala ko ang mga prob­lemang kinahaharap ko ngayon. Ako si Lorna, 59 years old at may kum­plikasyon sa kidney. Sa ngayon ay mag-isa na lang ako sa buhay dahil ang dalawang anak ko ay may kani-kanya nang pa­milya, ang asawa ko na­man ay namatay na, kaya nagtatampo ako sa mga anak ko dahil gusto na ni­lang mangibang-bansa. Gayunman, ang sabi nila sa akin, kukunin din nila ako kapag nan­du’n na sila, kaya lang, hindi ko alam kung bu­hay pa ako nu’n dahil matanda na ako at may sakit na rin ako. Sana, matulungan ninyo ako kung ano ang dapat kong maging desisyon. Salamat! — Lorna

Lorna,

Alam mo, mamsh, ma­hirap talaga kapag ma­tanda at nag-iisa na lang. Pero, paniguradong ma­ganda ang hangarin ng mga anak mo kung bakit gusto nilang mag-abroad na lang. ‘Yun nga lang, may sakit ka na kaya iba na ang pananaw mo. Sa ngayon, ang maipapayo namin sa iyo, mag-open ka ng na­raramdaman mo sa mga anak mo nang sa gayun ay magkaintindihan kayo at maiplano n’yo nang maayos kung ano ba ang dapat ninyong gawin. Pa­lagi ninyong tatandaan na ang lahat ng problema ay natatapos kung pinag-uusapan nang maayos at may pagkakaunawaan. God bless your family!