WADE, TROPA NI JAMES, RETIRO NA M’BUCKS, TINARANTA ANG RAPTORS

DALAWANG tres ang hinalibas ni Malcom Brogdon sa huling bahagi ng 4th quarter kabilang na ang isa sa go-ahead points para sa nalalabing 40.7 segundo ng laro, nang talunin ng bisitang Milwaukee Bucks ang Toronto Raptors, 104-99 sa NBA game kahapon.

Tumabo si Brogdon ng 18 points para sa Bucks na dalawang beses nang tinalo ang Raptors nga­yong season. Umiskor si Giannis An­te­tokoun­mpo ng 19 puntos at sumung­gab ng 19 rebounds para sa Bucks, naka­tulong ang 19 pts ni Brook Lopez ha­bang sina Kris Middleton at Tony Snell ay may tig-10 puntos.

Samantala, sumikwat si Serge Ibaka ng 22 points, may 20 si Kawhi Leonard, may 19 si Fred VanVleet at may 17 si Pascal Siakam para sa Raptors na may dala­wang sunod nang pagkatalo. Samantala, magiging emosyonal ang pag­tatag­po nina LeBron James at Dwayne Wade sa court sa sandaling magha­rap ang Los Angeles Lakers at ang Miami Heat.

Makaraan ang 16 seasons na magkasama sa liga, magreretiro na si Wade sa pagtatapos ng 2018-19 campaign.

Ang matchup ay mag­si­silbing napaka­lungkot para kay James na naging teammate ni Wade sa loob ng apat na taon sa Miami at isang taon na katropa sa Cleveland Cavaliers.

“It’s bitter, and it’s sweet,” ayon kay James kasunod ng panalo ng La­kers, 111-88 kontra Memphis Grizzles kahapon. “It’s sweet and sour. The sweet part about it is I’ve always loved being on the same floor with my brother. We struck up a relationship together at the combine in 2003, and it started from there. And the sour part about it is that this is our last time sharing the same court. Sometimes it’s just chemistry,” ani James.

“Sometimes you can’t even explain it. And I bonded with Car­melo (Anthony) when I was in the 10th grade. I bonded with CP3 (Chris Paul) when I was in the 12th, and I bon­ded with D-Wade when we were both coming into the combine. Some things you just can’t explain, and that’s why we have our brotherhood.”

Bagamat mag­kasabay sila sa NBA na nagsimula, sinabi ni James na hindi pa siya handang talikuran ang pro­pesyon. (MC/ATD)