Rider utas, angkas sugatan sa trak

PANGASINAN—Isang rider ang namatay at sugatan naman ang angkas nito nang aksidenteng bumangga sa trak ang kinalululanan nilang motorsiklo, kamakalawa sa Bgy. Aramal, San Fabian sa lalawigang ito.

Nakilala ang nasawi na si Ralph Dungan, samantalang, ang sugatan ay si Kobe Gabriel, kapwa residente sa nasabing lalawigan.

Ayon sa ulat, nawalan umano ng kontrol sa pagmamaneho ng motorsiklo si Dungan habang angkas si Gabriel kaya bumangga sila sa trak na minamaneho naman ni John Dulay.

Dinala ng mga saksi ang dalawang biktima sa ospital, pero idineklarang dead-on-arrival si Dungan.