Pumalag sa rape | 61-ANYOS TINADTAD NG TRIKE DRIVER AT KASAMA

ISANG lola ang gina­gamot sa ospital maka­raang pagsasaksakin ng dalawang hindi pa nakikilalang suspek sa Dagupan City, Pangasi­nan.

Batay sa imbestigas­yon, bandang hapon nang maniningil ng pautang ang 61-anyos na lola at sumakay sa tricycle kung saan bukod sa driver ay may isa ring lalaking nakasakay sa likod.

Pagdating sa mala­bukid na lugar, inihinto ng drayber ang tricycle saka lumipat ang kasa­ma sa loob at tumabi sa biktima.

Hinipuan umano nito ang lola saka hinubaran habang may nakatutok na patalim sa leeg.

Nanlaban ang bik­tima kaya pinagsasaksak ng mga suspek.

Hanggang sa may dumaang sasakyan at nagawang makatakbo ng biktima.

Patuloy naman ang paghahanap sa mga salarin.