Nalipasan ng gutom, 2 pinatay

KAPWA patay ang mag-asawa makara­ang hatawin ng tubo ng la­laking may di­perensiya uma­no sa pag-iisip sa Bogo, Cebu.

Kinilala ang mga nasawi na sina Erlindo, 56, at Josie Marie Ortega, 36.

Base sa inisyal na im­bestigasyon ni PO3 Marvin Cortes, patungo umano sa isang programa ang mag-asawa nang bigla silang pag­hahampasin sa ulo ng tubo ng 44-anyos na suspek na si Ramil Pelayo.

Agad isinugod sa pa­gamutan ang mga biktima ngunit, idineklara silang dead-on-arrival.

Naaresto naman ang tu­makas na suspek sa isina­gawang follow-up operation at kalaunan ay inamin ang krimen.

Dahilan ng suspek, nali­pasan umano siya ng gutom kasabay pa ang nais na pag­ganti nito sa lalaking biktima na hinampas din umano siya, may ilang linggo na ang na­kalilipas.