Nagselos, binuhusan ng gas habang natutulog | MOMMY AT BEYBI NILITSON NI DADDY

KAPWA nagtamo ng malaking pagka­lapnos sa balat ang isang 23-anyos na ina at kanyang tatlong taong gulang na anak matapos si­lang silaban habang natutulog sa kanilang bahay sa Silay City, Negros Occidental.

Patuloy na ginagamot sa ospital ang mag-ina na nag­tamo ng second degree burns.

Batay sa imbestigasyon, binuhusan sila ng gas saka sinindihan ng suspek na live-in partner at ama mismo ng mga biktima.

Ayon sa Women’s and Children’s Protection Desk ng Silay police, sadyang hin­di pinangalanan ang mag-ina at ang salarin sa hiling na rin ng kanilang kaanak.

Nitong madaling-araw ng Linggo nang maganap ang krimen sa bahay mismo ng mag-live-in partner kung saan, pagdating ng suspek ay agad binuhusan ng gas ang mag-ina na natutulog bago sinilaban ang mga ito.

Sinasabing matinding selos ang dahilan kaya na­gawa ng suspek ang krimen.

Posible rin umanong nasa impluwensiya ng iligal na droga ang lalaki.

Sa ngayon, nasa kusto­diya na ng pulisya ang sus­pek habang ang mag-ina ay patuloy na nagpapagaling sa ospital.