Motor nabangga, nakaladkad | PULIS UTAS SA BUS

DEDO ang 27-anyos na pulis makaraang mabangga at makaladkad ng pampa­saherong bus ang kanyang mi­namanehong motorsiklo sa Caloocan City, kahapon ng umaga.

Dead-on-arrival sa MCU Hospital sanhi ng tina­mong pinsala sa ulo at ka­tawan si PO1 Cristian Villanueva, na­katalaga sa Valenzuela City Police at residente ng Roxas Anda, Pangasinan.

Nahaharap naman sa kasong reckless imprudence resulting in homicide and da­mage to property ang driver ng Commuters Bus na may conduction sticker RA-1577 na si Rey Trajada, 32, ng Bgy. San Vicente, Biñan, Laguna.

Ayon kay PO1 Hilbert Tumabcao, tinatahak ng bik­tima ang kahabaan ng 11th Avenue sakay ng kanyang mo­torsiklo habang binabag­tas naman ng bus ang B. Ser­rano St. patungong EDSA alas-10:10 ng umaga.

Pagsapit sa kanto ng B. Serrano Street at 11th Ave­nue, nabangga ng bus ang motorsiklo ng biktima at na­kaladkad pa ng ilang metro.

Dinakip naman ng mga pulis si Trajada na nahaha­rap sa kaukulang kaso.