Banta ni Duterte sa mga kandidato | MGA BOTANTE ‘WAG TAKUTIN

BINALAAN ni Pa­ngu­­long Rodrigo Duterte ang mga kandidato sa 2019 mid­term elections na huwag i-terrorize o takutin ang mga botante.

“Sabihin ko sa mga kan­didato, and that goes for the entire Philippines, during my watch hindi talaga ako pa­payag, que kasama kita sa gob­yer­no, partido o pu­litika, don’t terrorize, don’t inti­mi­date, don’t create fear in the voters,” ani P-Du­terte.

Kapag may nabalitaan umano siyang gumawa nito, siya mismo ang ma­kiki­pag­tuos sa mga pulis, sun­dalo o kandidatong nanakot sa mga botante at siya mismo ang aaresto sa mga ito.

“Kapag ginawa ninyo ‘yan, ako mismo ang pu­punta roon at ako mismo ang mag-aresto sa iyo,” sabi ng pa­ngulo.

Mahigpit din ang di­rek­tiba ni P-Duterte sa mga sundalo at pulis na huwag kumi­ling sa sinu­mang kan­didato sa 2019 midterm elec­tions.

Aniya, kahit pa inien­dorso niya ang kandidato, hindi dapat mangam­panya ang sinumang pu­lis o sun­dalo para sa mga ito.

“I would like to re­mind everybody in go­vernment, lalo na ang Armed Forces pati police, don’t take sides, either for or against my party. Hu­wag kayong maki­alam. Huwag kayong mag­kam­­­panya and don’t favor any candidate. That is the man­date of the Cons­titution and we will stick by it,” pahayag ni P-Du­terte.

Kaugnay nito, ipinag-utos din ni P-Duterte sa AFP at PNP na hanggang dala­wang security escort lamang ang puwedeng mag-tandem at eskort sa kandidatong na­nganga­ilangan nito dahil kung lalagpas sa dalawa, ma­itu­turing na itong private armed group (PAG) at la­bag ito sa batas.