Laborer nilikida ng tandem

CAMARINES SUR—Isang laborer ang namatay nang pagbabarilin ng riding-in-tandem, kamakalawa sa Bgy. Poblacion, Lupi sa lalawigang ito.

Nakilala ang biktima na si Mario delos Santos, residente ng nabanggit na bayan.

Ayon sa ulat, habang nagpapala ng buhangin si Delos Santos ay biglang sumulpot ang dalawang hindi kilalang lalaki na nakasakay sa motorsiklo at agad pinagbabaril ang biktima.

Iniimbestigahan na ng pulisya ang motibo ng mga suspek sa pamamaslang sa biktima.