Ayon sa mga eksperto...PAMBU-BULLY, PRONE SA STROKE!
ALAM ng karamihan na ang pambu-bully ay mayroong hindi magandang epekto sa bawat indibiduwal. Ngunit, ayon sa mga eksperto, puwede rin itong magdulot ng sakit sa puso at stroke. Hala!
Isang pag-aaral ang isinagawa sa 79,000 empleyado na nasa edad 19 hanggang 65 na walang history ng sakit sa puso. Inobserbahan ito ng mga researcher sa loob ng labindalawang taon kung saan 9% sa kanila ay napag-alamang na-bully, 13% ay exposed sa violence.
Matapos ang labindalawang taong pag-aaral, napag-alaman ng mga researcher na 3,229 kalahok ang na-diagnosed na mayroon nang heart disease at naospital matapos makaranas ng atake sa puso at stroke.
Ang mga kalahok na na-bully ay mayroong 59% tsansa na ma-diagnosed ng sakit sa puso kumpara sa mga hindi nakaranas ng pambu-bully.
Samantala, ang mga exposed sa violence ay mayroong 25% tsansa na ma-develop ang nasabing sakit.
Dagdag pa ng mga eksperto, ang pambubully at violence ay maaari ring magdulot ng mood disorder tulad ng anxiety at depresyon.
Ang mga ito ay puwedeng maging dahilan upang gumawa ang indibiduwal ng unhealthy habits tulad ng paninigarilyo, stress-eating at paglalasing, gayundin ang mataas na lebel ng stress ay maaaring magdulot ng high blood pressure na may tsansa ng pagkakaroon ng sakit sa puso.
Kaya ang payo ng mga eksperto, maging mabuti sa isa’t isa nang sa gayun ay maiwasang makapagdulot ng masama sa psychological at physical health ng bawat isa.
Oh, ayan, mga bro at sis, alam n‘yo na ang dapat gawin para hindi makapanakit.
Okie?
Comments