2 karnaper utas sa pulis

DALAWA umanong kilabot sa pangangarnap ang napatay makaraang ma­kipagbarilan sa mga awto­ridad sa Bgy. U.P Campus, Diliman, Quezon City, ka­hapon ng madaling-araw.

Sa report na isinumite kay QCPD Director Chief Supt. Joselito Esquivel, Jr., mas pinili umanong manla­ban ng dalawang hindi pa kilalang suspek sa pinagsa­mang operatiba ng Criminal Investigation and Detection Group; Anti-Carnapping Unit at Highway Patrol Group-National Capital Re­gion kaya napaslang ang mga ito.

Ala-1:15 ng madaling-araw, sakay ng kanyang mo­torsiklo ang biktimang si Jeremy James Capucheno, 36, nang harangin, tutukan ng baril at puwersahang ta­ngayin ng apat na kalalaki­han ang sasakyan ng una sa kahabaan ng Aurora Boule­vard.

Sa takot ng biktima, bu­maba siya sa kanyang mo­torsiklo at ibinigay ang kan­yang sasakyan sa mga sus­pek.

Dito na nagsumbong ang biktima sa pulisya na agad namang nagsagawa ng dragnet operation hang­gang sa makorner at ma­patay sa eng­kuwentro ang mga suspek.