Paglaya ni Revilla, respetuhin—palasyo

“Not guilty”, ito ang hatol ng Sandiganbayan dating Senador Ramon ‘Bong’ Revilla Jr. kaugnay sa kanyang plunder case kung saan makikita siyang kasama “siya” sa mga supporter sa Sandigan na nagpapasalamat sa kanyang pagkakaabsuwelto. Mga suki, look-a-like lang siya ni Senador ‘Bong’. (Jun Guillermo)

INIRERESPETO ng Malacañang ang naging desisyon ng Sandiganbayan kung saan inabsuwelto, nito si dating Senador Ramon ‘Bong’ Revilla, Jr. sa kasong plunder kaugnay sa pork barrel scam, habang hinatulan namang guilty ang dalawang co-accused na sina Janet Lim-Napoles at Richard Cambe.

Ani Presidential Spokesman Salvador Panelo, nagsalita na ang korte at ginawa na nito ang constitutional duty na maggawad ng hustisya.

“The court has spoken and the Palace abides by its decision finding Ms. Janet Lim Napoles and Mr. Richard Cambe guilty and former Senator Ramon ‘Bong’ Revilla, Jr. not liable for plunder in relation to the pork barrel scam,” ani Panelo.

“The judiciary has performed its constitutional duty of dispensing justice. While justice grinds so slow most of the time, it does grind, and when it stops it renders a verdict that is exacting immutable,” ani Panelo.

Giit ni Panelo, anuman ang mga sentimyento laban sa ruling, kailangang tumalima sa hatol ng Sandiganbayan. Maaari naman aniyang umapela at gamitin ang legal remedies ng alinmang panig na sa tingin nito ay naagrabiyado sa nasabing kontrobersiyal na ruling.