Kaya walang kissing scene… COCO AT MAINE, 'DI TALO!

Anj Cabilla / PAK ANG GANAP!

KAKAIBA naman ang natuklasan ni Maine Mendoza sa kanyang partner na si Coco Martin sa pelikulang Jack Em Popoy: The PulisCredibles, na official entry para sa darating na Metro Manila Film Festival 2018.

Dalawang linggo bago nagsimula ang shooting ng kanilang pelikula, napag-alaman ni Maine na magkamag-anak pala sila ng bida sa Ang Probinsyano.

Ikinuwento ni Maine na nalaman niya ito nang magkaroon ng reunion ang ka­nilang pamilya sa Bulacan at makita ang kanilang family tree.

Kinumpirma naman ni Coco ang pahayag ni Maine dahil tinanong niya raw ang kanyang lola tungkol sa mga kamag-anak nila sa Bulacan.

Dahil sa pagiging magkamag-anak, walang naganap na kissing scene sa dalawa.